410

REGISTRES DU BUREAU

[i556]

Après, les mesureurs de charbon. Après, les crieurs de vin. Après, les vendeurs de vin. Après, les courtiers de vin. Après, les mosleurs de boys. Après, les briseurs de sel. Après, les porteurs de sel. Après, les porteurs de charbon. Après, les porteurs de bled.

Tous lesquelz tenoient ung baston de torche en la main, pour garder que Mesd. S" ne feussent empressez.

Et suyvoient plusieurs parroissiens de lad. eglise Sainct Jehan. Et passèrent par les rues dessus nommées, qui estoient tendues de belles tappis-seryes; et estoient les ouvrouers fermez. Et allerent en bel ordre par dessus led. pont au Change jusques en l'Eglise de Paris, où fut ditte et célébrée la saincte Messe en grande devotion par led. abbé de Sainct Magloire, et chantée de Nostre Dame par les chantres de lad. eglise.

Et est à noter que quant les processions se font de par lad. Ville et que les Cours Souveraines n'y sont point, Mons^r le Prevost des Marchans se sied à la place où se sied le Premier President, qui est la place du Doyen de lad. eglise; à costé dextre, le premier Eschevin auprès, et led. Greffier auprès; et de l'autre costé senestre, les trois autres Eschevins.

Et quant lesd. Cours y sont, le Premier President est assis à lad. place, et autres Presidens et lad. Court suyvant, et lesd. Prevost, Eschevins et Greffier aux haultes chaizes du costé senestre.

Après laquelle messe ditte et service solempnel faict, en remerciant Dieu de lad. trefve, retournerent au rnesme ordre par dessus le pont Nostre Dame jusques en lad. eglise de Sainct Jehan, où chascun se mist à deux genoulx, et fut devotement chanté par les prestres de lad. eglise et les orgues d'icelle le Salve Regina, et après #a pacem, Domine, in diebus nostris, et les oraisons dittes par led. abbé. Puis Mesd. S" feirent semondre led. abbé, les curés et prestres de Sainct Jehan, pour aller disner en l'Hostel de lad. Ville; et y allerent ensemble, et fut dressé une seconde table en la Grande Salle dud. Hostel à l'opposite de celle de Mess" pour les gens d'Eglise.

Et après le disner et graces dittes, les six clerons et trompettes de lad.Ville vindrent sonner en lad. Grande Salle par deux foys, en signe de joye de lad. trefve. Puis chascun s'en retourna à ses affaires.

Et fault notter aussi que les Quarteniers mandez avoient appellé six des plus notables Bourgeois de leurs quartiers pour venir à sept heures du matin en l'Ostel de lad. Ville led. jour, pour acompaigner mesd. S™ à lad. Ville à lad. procession, lesquelz au retour de lad. procession deisnerent en l'Ostel de lad. Ville.

DCCLXXIII. — Lettres au Roy.

18 février i556. (Fol. 172 v°.)

Et le landemain futfailte une lettres pour envoyer au Roy, baillée a la poste, dont la teneur ensuit :

Sire,

"Samedi dernier, sur les unze heures du matin, nous receusmes voz lettres par le s^r de Nantoullet, Prevost dc Paris, pour faire en ceste ville la publication dc la Irefve enlre Vous, l'Empereur et le Roy d'Angleterre ^(l'. Suyvant lesquelles le landemain dimanche, xvi" jour dud. moys, led. s^r de Nantoullet et nous emsemblemenl, acompaigné de ses lieutenans ct conseillers dc Chastelet, dc noz archers, arbalestriers ct hacquebuliers ct de toutes les trompettes qui sc sont trouvées en ceste ville, avons faict

lire ct publier lad. trefve par voz heraultz d'armes, es lieux où il est acoustumé de faire telle publication, faisans tirer et sonner artillerye grosse et menue en bien grande habondance, faict deffoncer muys de vins et donner pains à tous venans où avoit bien grand nombre de peuple, lesquelz cryoient à haulte voix : Vive le Roy ! et y avons gardé toutes les solempnitcz requises dc faire.

"Nous esperons estre ung moyen pour parvenir à une bonne paix, que Dieu par sa grace nous veuille donner le demourant de noz jours.

"Ce jour d'uy matin, sommes allez en l'eglise S¹ Jehan en Greve, où nous avons mandé les Quatre Ordres Mandiannes et plusieurs autres Eglises; avons

C Ces Lettres, datées de Blois la i3 février, sont rapportées ci-dessus art. DCCLX1X.